歌神陳奕迅（Eason）獲好友謝霆鋒送歌，新歌《起點．終站》的宣傳片昨日率先曝光，霆鋒獻歌外還在片中「獻身」與Eason「Man's Talk」，兩人不修邊幅，霆鋒白背心短褲，赤腳抱膝與Eason坐在梳化上閒聊，而Eason邊講邊不停用手「摷亂」頭髮，盡顯「麻甩佬味」！霆鋒分享炮製新歌感受，自言是個聽歌很老土的人，不太接受現今的音樂，仍停留在七、八十年代的Rock，鍾意聽Bon Jovi，是典型Rock的人。Eason又指霆鋒首歌寫得很撕裂，他要代入霆鋒角度來唱，他望着霆鋒笑說：「佢好畀心機去設計一啲嘢，即係考我囉！」

霆鋒講到興起舉埋腳，咦冇着鞋嘅！

唔好摷頭喇Eason，仲唔夠亂？