港姐複試昨日在電視城舉行，評判將從40名佳麗中挑選16人入圍。40名佳麗於中午準時乘搭專車，但佳麗吳泳薇（Caylyn）於12時許才匆匆現身，她解釋因收錯面試時間所致。昨日複試佳麗一如本報所Tip，「高挑Charlie」麥明詩、「翻版朱晨麗」Kristi、「弗版楊洛婷」Mandy及「港大龔嘉欣」Ariel等相繼現身，其中未入圍已成熱門的麥明詩明顯瘦了一圈，她承認因壓力而瘦，但對讀書時已發表政改意見一事未有回應。「大隻翠如」Lesley順利進入複試，但明顯有備而來，身穿連身裙的她透視纖腰，圖洗脫大隻之名。複試中亦見新面孔，自稱修讀法律的「力王律師」Anna，可能未有時間打理儀容，一身吊帶花裙卻露出「烏卒卒」腋下及疤痕爛腳，上車時單手抽篋更展現無窮臂力！

「大隻翠如」Lesley

「高挑Charlie」成塊面凹咗，手腳又幼咗，她解釋因參賽壓力而消瘦。

另外，無綫高層余詠珊表示會金睛火眼評選佳麗，提到麥明詩是否鐵定入圍？她說：「同佢傾過偈，佢對答好得體，但係啱啱先開始選，唔好畀咁大壓力所謂嘅熱門人選，比賽好長遠，要鬥耐力、體力同意志力。」

面試結束後，一班港姐準備從港鐵站乘車離開，怎料麥明詩臨入閘前「華麗轉身」指已Call的士返閨，當記者笑言可以載她離去，她即寸寸貢：「我去邊梗係唔會話畀你聽啦！你真係當我LuLu咩！」上車後，她兜埋兩位佳麗做掩護，帶記者遊遍九龍，最後轉入何文田半山一個豪宅，誰不知三人在該後門轉截三部的士分途離開，麥明詩最後到西九龍的漾日居落車。