《2015香港小姐競選》昨日於電視城舉行複試，一班熱門人選包括十優狀元「高挑Charlie」麥明詩（Louisa）、「谷胸心悠」Celine與「弗版楊洛婷」Mandy等均成功入圍，但Celine昨晚突然宣布退選！首輪面試後成焦點的「牛雜妹」李美琪（Monnie）與「長髮妍希」Kianny卻雙雙出局，但有心於圈中發展的兩人被睇好星途燦爛，Monnie前晚更相約娛樂公司負責人食飯傾合作；Kianny則懶理落選，昨日相約友人到沙灘晒身材！

「長髮妍希」Kianny游水散心，未有因出局而唔開心。

「牛雜妹」Monnie相約娛樂公司負責人Vics傾合作，入行成數甚高！

「牛雜妹」Monnie

「力王律師」Anna

「弗版楊洛婷」Mandy

「翻版朱晨麗」Kristi

Kianny着三點式盡騷本錢，吸引不少泳客注目。

經過首輪面試後彈出的「牛雜妹」Monnie，前日已宣布無緣進身16強，令人大跌眼鏡！雖然失落港姐複試，但她卻贏盡網民歡心，更睇好她前程似錦！懷抱演員夢的Monnie前晚相約娛樂公司負責人Vics於銅鑼灣一間餐廳會面，記者上前問到是否傾簽約時，她坦承有興趣：「了解多啲Details先！睇吓自己適唔適合，依家係一個新開始，因為呢件事好開心、好意外，亦好驚喜。對方畀咗好多Offer我，我仲係好新，唔需要太急。」問到出局一事，Monnie指開心比失落多：「唔開心一定有，當初鼓起勇氣First in，各方面條件唔係最好，但發覺好多人關心我，喺背後默默支持，舖頭熟客都叫我畀心機，令我好開心！」

簽約成數高

據知，Vics的娛樂公司旗下藝人包括段隆臻及鄺芷凡等，他接受電話訪問時透露有心與Monnie簽約：「之前都考慮過，Monnie參選之後件事不了了之，依家佢成為全城熱話，想搵佢再傾！我都知佢畀人批評，都有鼓勵佢。知佢想做演員，仲打算辭咗廣告公司文員份工，現階段未傾實啲條件同合約內容，但好大機會成事。」

恨殺入影壇

至於「長髮妍希」Kianny亦因清純標致的外貌而成為網民熱捧對象，昨日無緣複試的她心情未受影響，更相約朋友到沙灘玩水，穿上比堅尼大騷Quali，當記者上前訪問時，她亦大方回應：「入選嘅一定有佢哋自己優勢，我唔會理啲是非，試過就算喇！我心情OK，有機會拍戲都想試。」問到港姐心水人選時，Kianny亦表示睇好Louisa摘冠！

第一手消息請下載on.cc東網iPhone/iPad/Android Apps