鍾舒漫（Sherman）、林欣彤、馮允謙、羅力威及洪卓立（Ken）昨日出席「英皇五星六月新碟麥麥放送」宣傳新碟，穿上Bra Top及緊身熱褲的Sherman以「神奇女俠」Look示人，她承認日前到長洲為舊愛吳浩康（Deep）慶祝生日，問是否轉玩地下情？她說：「絕對唔係，冇復合，一直有同佢聯絡，傾吓工作，始終識咁耐，唔係一、兩件事就會講Bye Bye。」她表示與Deep只談工作，未有提及感情事。

以Bra Top及緊身熱褲上陣的Sherman，昨日落力宣傳新碟。

對於有報道指Sherman當日離開後，Deep找來索女陪過夜，Deep接受電話訪問時說：「Sherman有嘢做要早走，有協議唔會過夜。嗰個女仔係唱歌老師梁浩賢嘅女朋友，阿嫂嚟。」他又指父親見到Sherman心情大悅，問到會否復合？他說：「關係有進步，努力中，請外界畀空間。」至於羅力威與Ken最近同樣「家有喜事」，榮升舅父的羅力威指體能上已準備好生B，Ken則希望35歲前成家。