《東網Baby》冧爆Bosco何沛沂放天燈求愛

擁有32D上圍的「電眼范冰冰」何沛沂在今期《東網Baby》「春日姿色」系列中以性感內衣大晒完美身段！雖然身高1米74的她身形似足標準Model，但提起偶像卻頓時變成小鹿亂撞的小粉絲，喜愛旅行的她早前到台灣放天燈，自爆在天燈寫了一個香港藝人的名字：「香港最靚仔嗰個！萬人迷！（即係邊個？）Bosco（黃宗澤）！（向佢隔空示愛？）佢應該唔記得我，有次出席名牌活動大家對望咗一眼，我就即刻畀佢電到！」她非常渴望有機會與對方合作，問到是否不抗拒與偶像拍親熱戲？她甜笑說：「咁要睇番佢介唔介意喇！」