周星馳主演的《他來自江湖》堪稱無綫喜劇之經典，難怪無綫挑選該劇緊接Hit爆深夜檔的《大時代》播出，昨日凌晨「經典再現」即成網友焦點，大家齊為「星」狂，足見箇中威力！該劇於1989年首播，不久便掀起無數話題，周星馳的「無厘頭」演繹方式更成為他日後攀上影壇巨星的一個重要基石！

周星馳飾演的何鑫淼（劇中讀作何金水）與吳孟達飾演的老竇何英彪擦出超強搞笑火花，兩人在昨日凌晨播出的首集妙語如珠，經常爆笑互窒，他們的金句對白將陸續有來，信手拈來其中一段如下：

何英彪：我真係唔明點解會生咗你啲咁嘅仔！

何鑫淼：咁你又係乜嘢呀？莫非想生個查理斯王子？！

齋睇文字已經「笑咗先」！