無綫藝人林盛斌（Bob）昨日現身旅遊展時透露，下月將舉家暢遊泰國：「好耐冇同過屋企人去旅行，本來諗住去韓國，依家就轉地方。今次我1個拖6條女去，預計花費6位數，連同去旅行推咗近6位數嘅工作，諗起都肉痛。」

Bob笑言為滿足重男輕女的老竇而追仔。

林父日前生日，Bob笑指爸爸重男輕女：「買蛋糕都因為孫仔鍾意消防車，我就係咁決定追多個慈姑椗。」又笑指有相士指他下胎一定是仔，所以未有考慮人工受孕。

談到他成立娛樂公司，被傳引起無綫及電台不滿，Bob說：「我唔會過問公司經理人部門嘅事，如果有關方面覺得有問題，我亦唔會簽佢哋約滿咗嘅藝員，總之我愛無綫。我同佢哋有充分溝通，同埋好好嘅默契。」