有線主播黃芳雯（Paula）昨日與圈外老公潘家祺在尖沙咀舉行婚宴，筵開43圍，陳嘉桓（Rose）、黃美棋及松岡李那等到賀。傍實新郎受訪的Paula自爆宣讀誓言時「失手」喊爆：「老公讀得好順口，自己就讀到喊！明明做咗主播咁多年，真係老貓燒鬚！」問到何時生B？她大爆年底將出發度蜜月，更渴望三年抱兩。

黃美棋（左）與新娘黃芳雯興奮合照。

陳嘉桓（左）、松岡李那（右）與一對新人親密合照。

而盛裝赴會的Rose亦開口催Paula「造人」，問到何時輪到她生小朋友？她表示唔心急，又笑指Paula為她介紹律師作日後證婚之用。Rose坦言叫朋友介紹異性，並自爆偏愛成熟男：「最緊要成熟，叫朋友介紹男仔畀我。（要年齡定思想成熟？）諗法成熟，會教到我做嘢！」