關詠荷（Esther）昨日在將軍澳出席活動時表示，日前往四川探訪眼疾兒童。問到有否掛心女兒？她自爆曾打算與囡囡同行，但囡囡應未準備好。Esther又坦言於當地如廁時慘被昆蟲嚇親：「環境好震撼，自己以往拍劇對於野外如廁都手到拿來，但都被（途中）油站廁所嚇親，因為滿布昆蟲，帶個女去嚇死佢！」提及父親節將食飯慶祝，屆時她及囡囡會為老公張家輝預備神秘大禮。

關詠荷出席活動時拖實有份表演的小朋友，母愛氾濫。

談到好友歐陽震華（Bobby）與無綫傾妥續約，Esther稱一直追貼事態進程：「唔明點解要開會傾，續咗咁多年佢好了解公司情況，公司亦了解Bobby。」提到亞視成功賣盤，她直指是開心事，又稱不介意為亞視拍劇：「OK呀！（酬勞唔係首要問題？）我唔會開天價，以角色同劇本行先。」