「牛雜妹」Monnie包雲吞淥麵一腳踢

日前《2015香港小姐競選》首輪面試，佳麗速成網民起底對象！昨日大批網民將10優兼劍橋大學法律系高材生「高挑Charlie」Louisa及草根「牛雜妹」Monnie作比較，「開盤」競猜兩名人氣佳麗誰能順利入圍！

「長髮妍希」疑變臉

昨日本報記者專程到元朗野生捕獲素顏Monnie，見到記者拍照時她亦顯得驚訝，但為免影響生意，她繼續專心包雲吞、切牛雜兼淥麵一腳踢！初時Monnie以「唔肯定無綫畀唔畀做傳媒專訪」為由婉拒訪問，但之後仍大方作簡短回應。她直言一夜之間成為全城焦點感到意外：「正如我喺Blog入面講，呢幾年唔知自己想做乜，想有個新嘗試新開始。入行係我由細到大嘅夢想，只係一直未有勇氣。（介意畀人起底？）由我決定參選就有心理準備，知道會有正面同負面嘅Comment，有人開盤談論我同Louisa亦唔會在意，佢係一位好優秀嘅女仔！」

正職是廣告公司文員並自爆之前於公開大學輟學的Monnie，被問到面對高質競爭者有否信心時說：「平常心面對，依家身形亦唔算好，我內心當然想入圍，但信心就一半一半，都有最壞打算繼續過番普通人生活。」

而被封「長髮妍希」的美女空姐Kianny，昨日有讀者爆料指她人緣麻麻，指她為任職的航空公司拍宣傳片後即自以為是大明星，更有變臉之嫌！另一焦點索女「弗版楊洛婷」Mandy昨日亦更新Instagram，大晒於棕櫚灘滑浪的噴血Biniki照！

「硬膠芭比」愛夜蒲

另有其他面試者包括「翻版顏卓靈」Clarissa、「硬膠芭比」Ashley、「黑妹」Kelly及「大頭勇士」Hailey被人肉起底。Clarissa被指是香港大學風頭躉，與有米闊少男友離合多次，常晒名牌手袋照。從事保險行業的Ashley則被指是蒲精，亦愛當私影Model，在其個人網站上載大量私影照。年紀輕輕的Kelly於外國長大，Baby Fat身形亦夠煞食。Hailey則熱愛玩空中瑜伽和踩單車，並在網上自爆有名叫Vincent的男友。

港姐大起底

爆料熱線：3600 1022

爆料傳真：3600 1000

爆料email： ent@on.cc