李彩華應邀出席由Angelababy、李晨及王祖藍等主持的內地人氣綜藝節目《奔跑吧兄弟》任嘉賓，大玩遊戲，全力以赴的她瞓身上陣，弄至腿部瘀黑，成功擊敗長勝將軍李晨，從未被撕掉名牌的李晨今次亦輸在李彩華手上，正當李彩華以為贏硬，半路卻殺出蔡少芬，李彩華說：「原本以為蔡少芬斯斯文文，點知佢玩起上嚟咁狼死，最終都畀佢撕咗名牌，後來先醒起，佢老公係張晉，身手梗係有番咁上下啦！」

李彩華

瞓身玩遊戲的李彩華弄至腿部瘀黑。

節目的長勝將軍李晨被全力以赴的李彩華擊敗。

她坦言今次參與拍攝很開心，可以見番香港明星，更與Baby成為好友：「佢結婚我都有恭喜佢呀！（羨慕佢？）梗係啦！黃曉明喎！希望我自己都快啲搵到另一半。」至於節目內仍用李彩華前名「李彩樺」，她說：「唔緊要，有時佢哋習慣咗，大家認得我咪得囉！」