藝人狄易達、彭懷安（Eddie）、唐紫睿（Hazel）及導演王晶女兒王子涵昨日到大埔林村出席香港汽車會舉辦的《2015電動車嘉年華》，達仔早前被拍到駕開篷車接載女友，他笑說：「我畀朋友話我咁招搖，其實係架車冷氣壞咗，被迫高調咋！」

達仔（左）表示接載女友時被迫高調，Eddie則透露正努力箍煲。

子涵（右）與Hazel都在為車而努力。

Eddie則透露未婚妻朱慧敏身在美國，一直有電話及短訊聯絡，正努力「箍煲」。而子涵表示已報名考筆試，Dream Car是型爆跑車，仍在努力儲錢的她說：「我諗會買二手車先，但同我收入都有好大距離！（叫爸爸贊助？）咁就唔叻啦！要自己買先叻女！」Hazel表示三年前考車牌「肥佬」，最近計劃再考，她說：「如果我考到車牌，都替其他道路使用者擔心，我幾大頭蝦，冇咩方向感。」