國際巨星成龍昨日到上海出席「成龍動作電影周開幕論壇」，同場有吳京、夢工場老闆Jeffery Katzenberg及荷里活動作導演Rob Cohen。多年來傷痕纍纍的成龍表示每天起床都周身痛：「試過開車開到腳痛，走入醫院叫醫生開刀，本來自己好英雄咁入去，但之後低頭走出嚟，因為我見到打針就叫，好驚！平日斷手都冇事。」

身手不凡的成龍工作多年，積聚了不少傷患，趁機道出幕後英雄的辛酸史！

成龍（左起）、導演Rob Cohen、夢工場老闆Jeffery及吳京於論壇聚首，交流電影心得。

談到一班幕後英雄經常斷手斷腳卻不為人知，成龍希望活動能讓大家了解他們為電影默默付出，又大讚在美國拍電影比香港好十倍：「好多明星變咗動作影星，好似Iron Man（鐵甲奇俠）、美國隊長咁，拍到好似好打得，但其實係分開拍，畀我都想做Spiderman（蜘蛛俠），但冇人想睇成龍咁，我好想做德斯汀荷夫曼（Dustin Hoffman）。」