組合HunterZ成員蕊蕊平日經常以性感打扮示人，自認「肥妹」的她坦言未敢分享瘦身之道，不過美容心得就多不勝數，她說：「入行之後，皮膚保養真係好重要，所以自己都比較花多啲時間喺呢方面。除咗每星期敷三至四次面膜之外，我仲特別買咗部洗面機，因為每日用洗面膏洗面唔能夠深層洗走啲粉刺，所以每晚都會用佢，之後再敷面膜，第二日上妝都會貼啲!」而蕊蕊又「溫馨提示」大家，洗面機的刷頭要每三個月更換一次：「每日用佢都會積埋好多污漬，始終都係用喺塊面，衞生啲比較好!」

皮膚白滑的蕊蕊每日都會用洗面機清走毛孔積聚的污垢。

護膚有一手的蕊蕊分享收毛孔大法。

她又推介收毛孔產品，並加入獨門秘技，有效收細毛孔：「除咗搽啲收毛孔產品之外，我平時仲會拎冰棒敷吓毛孔比較大嘅位，如果敷住面膜碌吓嗰啲位就更加好啦！」