藝人莊端兒（Xenia）原來是個毛公仔收藏家，熱愛熊仔的她擁有幾百隻毛公仔，她將其中一部分放在迷你倉，另一部分則放在家中攬住瞓，她說：「我覺得可愛、得意就會儲！大細都鍾意，有啲喺快餐店換，仲會入主題公園買毛公仔，而唔係玩機動遊戲，同去日本夾公仔。大個就放肆，成屋都係毛公仔，有一隻係5呎長，夾住瞓！」

鍾情「火野麗」的莊端兒曾Cosplay角色。

莊端兒與男友張致恒在攤位贏得毛公仔。

熱愛毛公仔的莊端兒在床邊放有不少玩伴。

從小熱愛毛公仔的Xenia透露曾遭媽媽反對：「佢覺得好污糟，好難洗，好難打理，覺得我哋攬住瞓唔好，所以佢從來都唔畀我買毛公仔！我會叫爸爸買，但佢一係就收埋，一係就扔咗佢，仲叫爸爸唔好再買！」自從Xenia搬出來住之後，全屋就放滿毛公仔，她又透露鍾情美少女戰士「火野麗」，更會去動漫節收集其產品。