鄭欣宜（Joyce）昨日為中藥產品「位元堂養陰丸」拍攝廣告，並擺出父親鄭少秋30年前擔任同樣產品代言時的招牌手勢。鬼妹仔性格的她表示二十五歲時已開始吃中藥補品，更懂得煲中藥：「我怕西藥有副作用，中藥就溫和啲，可以調理好身體！」提到秋官曾透露父親節希望女兒送吻，Joyce笑言每次與父親見面都會親面頰，又透露已約父親慶祝，問到可有準備禮物？她說：「未，不過我覺得最好嘅禮物係同佢拍拖！」而日前擔任側田演唱會嘉賓的她，坦言事前擔心觀眾反應：「因為我哋有好多大膽動作，怕畀佢啲Fans謀殺我，好彩反應好好！（帶你巡迴？）好呀！搵我啦！」

欣宜繼承「父業」拍廣告，似模似樣o架！