《好報》拍得吳若希緋聞男友「大隻仔」溫家偉為開雪糕三文治店慳錢買蕉醫肚，又巡視雪糕店。他昨日表示未決定新店選址：「旺角兩間舖揀緊，一間人流較旺，但舖面細租較貴，買咗嘅雪糕Showcase好大，怕門面唔夠闊畀客人睇晒所有味道，心大心細。」吳若希表示知對方很努力搵舖並已有心水：「佢好有生意頭腦。（佢為你調玫瑰味雪糕？）佢話我想食咩味都可以整，我想食清清哋又少少甜嘅Rose味，佢整得好好味，期待開舖時大家鍾意佢設計嘅味道。（佢追你？）我哋係好好嘅朋友。」

溫家偉巡視雪糕店，又食蕉充飢！

溫家偉

而本已是兩間Playgroup中心老闆的歌手李逸朗被《好報》拍得到九龍塘新校舍打點。他指新校舍開業數月，問是否想與朱晨麗睇齊？他否認：「搞教育係我自細心願，以前係體育助學基金嘅受惠者，細個想做體育老師，依家賺到錢就開Playgroup幫人。（朱晨麗知你開？）相信見報後全港人都知啦！（開夠十間？）唔會啦！終極目標唔係賺錢，係想幫人，我亦唔鍾意依家嘅教育制度，見到學生讀得唔開心會叫佢哋退學，唔想學生有壓力。」