一對熱戀情侶情到濃時想親熱，但遇正酒店冇空房，這也是不少巿民的現實生活寫照，因此近年衍生出不少打野戰的「活春宮」個案。對此，多位藝人提供創意十足的解決方法。

莊思敏

蕊蕊

莊思敏：返屋企咪得

依家咁多自由行嚟，連賓館都爆晒！如果唔介意貴啲，即刻租酒店式服務住宅，但就要租一個月囉！想平嘅話就借朋友屋企。我就梗係冇需要啦，我屋企有地方，我返屋企咪得囉！

蕊蕊：唱K嗒凍飲降火

情到濃時我有好方法分散注意力，就係唱K喇！唱情歌雖然冧，但最好唱埋勵志歌，咁就唔會諗咁多嘢，又可再叫多兩杯凍飲降吓溫，咁就可以安全度過一晚啦！