歌手J.Arie（雷琛瑜）除了唱功了得外，原來對設計亦甚有興趣，最近她與視障人士聯手為「暗中作樂」設計潮Tee，她表示創作靈感源於「凸字」：「其中一啲字係白色，有暗藏黑字，黑色寓意視障人士只係睇到黑色！」她又稱曾與視障人士聊天，發現他們的心境很有正能量：「佢哋都話未見過呢個世界，唔知咩係紅色。雖然佢哋嘅世界冇咁多色彩，但覺得佢哋開心過我好多，覺得好多嘢都需要感恩同知足！」她又自嘲畫功一般，故會向薛凱琪（Fiona）等高手請教：「我之前試過為其他公司設計Tee，畫畫好一般，只有中學程度，但我髹顏色叻啲，唔會髹出界，我有請教過識畫畫嘅朋友，知道薛凱琪、陳慧敏之前都有為自己唱片畫畫。」

J.Arie不但熱愛唱歌，還對設計甚有興趣。