歌手張紋嘉（Crystal）日前為將公演的音樂劇進行排練，她透露今次的角色十分神經質，為求生活化，她在劇中除了講粗口外，還會作新嘗試：「我會同個女仔Kiss。（尷尬？）唔會，仲覺得幾好玩！」她表示以前讀女校，經常與同學玩得瘋癲，今次已非首次與女生Kiss。

Crystal對於舞台劇一試愛上。

Crystal（左）在劇中與女演員大膽錫錫，挑戰舞台極限！

對於「新嘗試」零壓力的她卻對唱歌大感擔心：「音樂劇同普通唱歌唔同，要重新再學過，好似和音、分部，加上要掌握喜劇節奏，要令觀眾笑都唔易。」她又指入行至今已曾參演九套舞台劇，並且很喜歡參與其中，問到日後會否想轉為全職舞台劇演員，她自覺做得未夠好：「佢哋好多都係專業人士，我唔敢講專業，只係Try To Be Professional（盡力做到專業）！」