吳雨霏(Kary)與老公網球王子洪立熙年初拉埋天窗,提到感情路波折重重,Kary坦言最初一度分手是由於雙方有不同看法:「我哋啱啱一齊嘅時候其實仲係好細個,大家都成長緊,可能大家睇嘅嘢又或者要嘅嘢唔同啦!」其後兩人在教會重遇,各自都變得成熟,故很自然地再走在一起。問到兩人的性格是否相似,她笑說:「完全唔同,我哋係一凹一凸!佢嘅性格好急,樣樣嘢都要安排好晒,而我就慢啲,好多嘢都冇所謂。」她又指二人去旅行時,都是由老公策劃行程,而她只負責玩。提到新婚生活,她表示生活上沒有太大轉變,但擁有家庭後,卻明白到照顧伴侶的重要性。

婚後的Kary變得更成熟,舉手投足都盡顯女人味。

Kary自爆與丈夫的性格南轅北轍。