年月把擁有變做失去......黃家強二十二年前失去了兄長黃家駒,去年再被命運之神作弄,痛失另一位生命中的至親-爸爸,他忍淚哽咽剖白,誓以亡父作榜樣,立志當個模範嚴父,為一對兒子迎接光輝歲月!

家強誓要以亡父為榜樣,立志當個嚴父,鎮住兩個兒子。

經歷了兩位至親的離世,家強的生活出現了很大的變化。

年月之所以無情,是它可將你擁有的一切,不留痕迹地帶走。二十二年前,Beyond的黃家駒在日本演出時從高台跌下,從此家強的世界不再海闊天空。

為兄圓夢

本以為隨着年月的增長,這份兄弟情會不知不覺變淡,但原來家強多年來一直致力延續家駒的音樂夢,今年終於推出主流唱片《沉香》及純音樂唱片,用音符將兩兄弟重新連繫起來,他說:「細個時家駒成日同我講好想做純音樂,因為佢好鍾意揸住結他,一個人玩已經好開心,好希望出隻純音樂唱片。奈何要出呢隻唱片真係好難,三年前問過好多人,個個都話好難發行,好多障礙。但呢隻唱片表達到自己另類嘅理想,可以話係同家駒一齊達成咗理想。」

為亡兄圓夢,總算放下心頭大石,但去年家強再次面對沉重打擊,父親病逝,他含淚細訴父子情:「佢係我人生另一位好尊敬嘅人,我用音樂《一生雋永》去表達對佢嘅愛意,佢都好大年紀,走得都快,唔辛苦,佢好堅強,我希望自己嘅人生都好似佢咁堅強去面對所有嘢,當然我好掛住爸爸。」

鎮住兒子

嚴父出孝子,黃爸爸生前是位嚴厲而硬朗的父親,已是兩子之父的家強誓要向父親學習:「自細媽媽點講我都唔聽,係爸爸一喝先會停,可以鎮住啲小朋友,我都希望對小朋友有個嚴厲嘅感覺,到佢哋大個先會放寬番,我要佢哋知道我發火時會好惡。大仔就唔使打,喝就會驚,細仔就太曳,要打吓Pat Pat!」