歌手糖兄（潘雲峰）早前出席宣傳舞台劇《勁金歌曲3－請你記住我》，大爆同劇演員龔柯允（Karen）廣東話唔正，將「孱仔強」講成「散紙強」，成為劇中一大賣點。他又透露劇中會與Karen翻唱《富士山下》：「今次係第一次真正同女歌手合唱，感覺唔同，學到好多嘢。（今年有咩計劃？）嚟緊會幫歌手做監製，又會做自己嘅歌。」問到是否與糖妹「拆夥」？他否認指分開發展是公司計劃，屬暫時性，希望有更多新火花。他又稱即使發行個人歌曲，亦會沿用「糖兄」之名，實行兩兄妹繼續拍住上！

糖兄否認與糖妹「拆夥」，而他亦會繼續沿用「糖兄」之名演繹歌曲。