被網民標籤為「商業」的樂隊Mr.，推出概念唱片望一洗「商業」味。對於香港樂壇以情歌作為主導市場，他們認為情歌最切身，令樂迷容易代入情感，產生共鳴。

近年被標籤為「商業」的Mr.推出新碟望一洗「商業」味。

Mr.為新碟做了不少準備工夫。

久未推出廣東碟的Mr.今年終於帶新碟《現實遊戲》回歸本土，曾被網民標籤為「商業」樂隊的Mr.坦言，今次新碟的準備工夫與過去大有不同：「以往我哋都會揀好十首八首歌然後再做，今次就係一堆歌入面再慢慢揀。」五人直言希望新碟每一首歌都有箇中原因：「唔係公司想我哋做咩歌就做咩歌，而係我哋心目中想做咩歌就做咩歌，今次做依隻碟都好隨心，依個時間寫咗就發表。」

談到過去一度被網民冠上「商業」之名，他們說：「可能好多人覺得簽咗大公司，用啲宣傳手法比較商業就係商業化，但其實一直以來我哋都有好多同社會有關嘅歌，只係大家唔留意。」他們又感慨雖然香港人常常呻樂壇只有情歌，但最多人聽的亦是情歌：「唔寫情歌個市場會窄咗，始終情歌係最切身，最容易代入。」

台灣攞靈感

問到是否因為想擺脫「商業」兩個字，而推出人情味濃的新碟？五子表示《現實遊戲》這個歌名已放在腦海中好一段時間：「喺台灣嘅時候就一直好想用呢個名做一隻概念碟，特別係去完台灣，特別有地區性嘅感覺，所以做碟時都會講番自己嘅地方，講一啲我哋喺社會上面見到嘅現象。」