無綫主播莫家淦（Keith）上月與當時懷孕30周的太太到西貢拍攝大肚「全家福」，鏡頭前兩公婆恩愛煙韌，Keith又親親老婆的大肚，但原來既熱又多蚊，並不好受：「好多朋友揀室內影，又或者唔着衫，但我哋想走入大自然，影出嚟好靚，但其實幾多蚊！最搞笑係太太好驚毛蟲，不斷搵附近有冇蟲！」Keith表示BB預產期是7月13日，跟他同日生日，相當有緣：「唔知BB會唔會提早出世，我唔一定要佢同我同日生日，費事佢大個仲逼佢一齊慶祝啦！」

Keith與大肚的太太影低溫馨一刻。