無綫藝員林穎彤(Bella)早前到日本拍攝J2節目《安樂窩》東京篇,第一次到訪日本的Bella心情興奮,與東京鐵塔拍照留念,可惜因行程緊密未有時間掃貨:「每晚拍攝完啲舖頭都收晒工,有晚去涉谷見到件好鍾意嘅衫,但已經閂咗門,冇得買!好傷心!」而拍攝過程更是一波三折,除經常下雨外,翻譯的Passport又已過期,要到日本再找翻譯:「仲有因溝通問題,去到店主話唔畀拍,要臨時改行程,化妝、整頭、度稿都要自己搞掂,都係好事,訓練到我冇咁依賴。」

Bella在東京鐵塔前影相,夜景好靚呀!

Bella到日本工作,冇時間買衫。