武打影星吳京、張晉及泰國拳霸Tony Jaa在新片中高手過招，電影導演鄭保瑞及動作指導李忠志大讚他們各有擅長，Tony夠狂，吳京最準，張晉瀟灑，要擇日再對決才能分高下。

導演鄭保瑞及動作指導李忠志為新片絞盡腦汁，希望武打場面出色，又有合理故事襯托。

古仔放下型男包袱演大奸角。

導演鄭保瑞大讚吳京及Tony Jaa各有強項，未知誰較好打。

電影《殺破狼Ⅱ》集合三位打得之人吳京、張晉及泰國拳霸Tony Jaa，有多場緊張得令人抖不過氣的動作場面，導演鄭保瑞（瑞導）及動作指導李忠志（志叔）更堅持要打得合理，認為有故事襯托的打鬥戲更深刻。

群毆戲最難拍

三大武癡在瑞導的安排下能打又能演，飾演含冤警察的吳京，幾乎全套戲都捱打兼慘遭虐待，幸獲瑞導大讚：「佢演出令人驚喜！未見過吳師傅畀人壓得咁低，好有人味！」泰國華僑獄長張晉造型斯文但心狠手辣，瑞導安排他長期講泰語，認真大挑戰。Tony則演繹單純求生的獄卒，瑞導說：「我最鍾意佢喺《拳霸》入面嘅單純，呢股力量得成龍《警察故事》有，今次想佢演一個成熟又善良嘅Tony。」

問到覺得哪位最好打？瑞導說：「都有好打嘅地方，Tony好狂好直接，張晉打得好靚好仔細，所以腳拳都幫佢度得靚啲，至於吳京就係準，但今次佢捱打多，係最辛苦！（現實中呢？）要打落先知喎！搵日安排佢哋真打先！」志叔則認為磅數較重的Tony佔優。問到最難處理的打戲，瑞導及志叔首推一場二百人監獄群毆戲：「牽涉長鏡頭同一百個Cue，好難處理，拍咗八日，一個人錯又由頭拍過，最後挑戰成功大家都好滿足。」

古天樂放棄「型」象

該片尚有兩大王牌任達華及古天樂助陣，瑞導先讚演吳京叔父的任達華演出恰如其分但又比想像中高分，至於古仔顛覆「型」象，留長髮戴口罩扮演患絕症的大奸角，瑞導說：「佢演得好放，已經放低咗明星包袱，過咗40歲嘅古仔好成熟！」