由歌手轉做經理人的戴夢夢，日前被《東網》ontv追蹤部隊拍到跟已婚的太極樂隊成員Ricky（朱翰博）在中環拖手歎白酒，本月初又再被直擊到尖沙咀睇燈飾。Ricky初時接受電話訪問時頗為避忌，後來才大方透露跟太太分居多時，現正辦理離婚手續。又稱跟夢夢拍拖沒有壓力，會以平常心面對：「唔係大家幻想咁，唔好影響到女方。」

《東網》ontv直擊戴夢夢與Ricky甜蜜High Tea。

戴夢夢和Ricky手拖手行街，毫不避忌。

而夢夢亦直認跟Ricky發展中：「我唔係鍾意出風頭，依家都冇做幕前啦！（幾時開始拍拖，點認識？）唔講啦！唔想影響開音樂學校嘅佢。」與人夫拍拖會否大壓力？夢夢說：「佢都搞緊手續，我清楚發生乜事，事實唔係大家所諗嘅咁，我哋清楚知大家咩狀況。」