憑無綫神劇《大時代》被封男神的「大佬蟹」邵仲衡，日前接受東網電視《娛樂onShow》訪問，論盡無綫一眾視帝視后，並大談「丁孝蟹效應」、品評劇中多位美女！

「丁孝蟹效應」席捲全城，主持見到邵仲衡，Like啦！

邵仲衡特別鍾情嘉欣BB。

一向有嗰句講嗰句的邵仲衡，喺《娛樂onShow》中暢所欲言！

仲衡大讚藍潔瑛飾演的玲姐（中）天生麗質。

無綫神劇《大時代》即將進入高潮，東網電視《娛樂onShow》特意邀請「大佬蟹」邵仲衡擔任嘉賓，接受主持俞詠文（Angela）訪問。提起「丁孝蟹效應」，邵仲衡覺得情況已失控，更頗為費解地說：「我都估唔到有咩理由我一落停車場到我上到某間餐廳做訪問，中間有三個8、90後話要同我合照，邵仲衡乜乜乜咁，我心諗我生得你出喎！」

李麗珍似純情小羊

《大時代》中美女雲集，邵仲衡被Angela要求選出最美人選時，他說：「嘩！好難講話邊個最靚，好多個都好靚。（當年？）玲姐（藍潔瑛）真係冇得頂，佢嗰種氣質真係冇得頂，珍妹（李麗珍）都係，咩都唔使做已經好似隻純情小羊咁。（慳妹呢？）佢就唔使講啦！如果唔係倪震都唔會娶佢啦！」但對曾多次合作的郭藹明不予置評：「我同佢合作都唔會Comment佢，何況依家？」

邵仲衡自言直腸直肚沒甚麼大不了：「分析過可以講嘅，咁咪講囉！」曾批評天王郭富城唱歌一般的他，被問到對無綫現今的一眾視帝視后有何意見時，他即談到黎耀祥：「我同祥仔喺外國開過工，相處咗幾個月，佢係一個喜歡做戲嘅人，我好尊重呢樣嘢。我唔會理你高級低級，喺做戲上演員上，我只會欣賞人點樣設計同諗去表達個角色。」

陳豪感染力有一手

談到另一視帝陳豪，邵仲衡則大讚有感染力：「阿Mo（陳豪）真係可以令在場嘅人好開心。」而視后方面，他坦言佘詩曼的演技吸引不到他，反而對鍾嘉欣情有獨鍾。想知更多邵仲衡的獨特看法及評價，立即Click入《娛樂onShow》收睇啦！