樂隊太極鼓手Ricky(朱翰博)與小他19年的戴夢夢秘密撻着,事件曝光後,「被分居」的Ricky嫂Anne前日向傳媒鬧爆二人背妻幽會。但昨日竟戲劇性轉軚,面對Ricky和夢夢被拍得當街「啜爆」,Anne仍維護Ricky,並向二人送上「祝福」。

Ricky與夢夢日前被本報拍得拍拖出巡。

自從Ricky和夢夢被撞破於中環拖手撐枱腳後,即觸發起Ricky嫂Anne和二人的「三角鬧劇」。前日Anne才鬧爆Ricky大話精,指他四月時已搭上夢夢爆「私情」,不足一個月便要求她分居,並指兩度撞破他們幽會,婚姻破裂全是第三者夢夢一手造成。而昨日本報拍得早在本月一日,Ricky和夢夢已拍拖出巡,情到濃時夢夢更當街攬啜Ricky。

肥到除唔到婚戒

記者昨日問到對二人公然晒「恩愛」一事,Anne態度突變,透過WhatsApp護Ricky之餘,還離奇送上祝福:「都冇新聞價值了,唔再回應,唔好再唱衰Ricky,大家都係一家人,畀啲空間佢哋,公道自在人心。(祝福佢哋兩個?)會祝福佢哋。」問到是否正辦離婚手續?Anne竟說:「如果Ricky提出,我會配合。」與之前一日態度可謂峰迴路轉。

另一邊廂,夢夢拒絕回應和Ricky街頭親熱一事:「唔答啦!我同Ricky一陣畀個回應大家啦!」提到Anne突然收晒火,夢夢不禁說:「佢係咪知玩大咗呀?(佢祝福你哋喎!)冇,係咩?我唔知喎。」其後再強調力撐Ricky:「由始至終我都相信佢,全力支持佢!其他佢都已經回應了,要講的之前都已經回應晒,大家喜歡相信邊方就邊方吧,不會再作任何回應了,只希望大家給多點空間,好好工作,好好生活,多謝大家關心。」至於Ricky被問到Anne態度突變時說:「佢會暫時靜落嚟。」提到與夢夢逛燈飾店,手上還戴着婚戒,他解釋:「手指肥咗先除唔到,會用BB油試吓除。」又否認與夢夢同居:「邊有發展得咁快呀!」

再爆「三宗罪」

而昨晚再有人向傳媒爆料指Ricky「食軟飯」等「三宗罪」。記者對此再向Anne求證,她用WhatsApp表示第一項「是假的」,而第二及第三項則回覆「不知道」。