李亞男自上星期因腸感染入院後，昨日首度復工為無綫新劇《潮流教主》到九龍灣拍攝，已休養一星期的她抖足精神，入院期間更有愛情滋潤，獲老公王祖藍特意抽空返港探望，問到有否被要求「長歎」？她笑說：「又冇叫我完全唔做，但希望將來有機會多啲一齊工作，起碼唔使三、四個月兩個人係隔開咁遠咁耐，有個照應。」

李亞男復工為新劇拍攝，精神不俗。

羅仲謙笑言會與楊怡在電視城抽空談情，So Sweet！

同場的陳豪大晒對囝囝的愛，並自爆會與囝囝講道理：「細仔得歲零，但我同佢講道理佢明o架！我當佢大人咁講，要解釋番好多事嘅因由。」另外，羅仲謙與楊怡關係一樣甜蜜，他更笑言即使分開工作仍能在將軍澳電視城中抽空談情，提到結婚，他說：「依家以工作行先，始終男人嘅成就、根基要打得好少少！」