歌手兼任職教師的龍小菌前晚涉嫌在店舖盜竊被捕,她承認一時疏忽,更為連累經理人邵子風在警署過生日致歉。而黃秋生為她抱不平,指摘超市欠人情味!

龍小菌在警署接受問話約7小時獲保釋離開,邵子風在旁陪伴受訪。

龍小菌登車離開警署,邵子風的女友蝦頭亦在車內。

事發於前晚六時許,龍小菌涉嫌在鰂魚涌一間百貨公司內,在未付款的情況下帶走店內共5包,總值約120元的蔬果,期間被一名便衣保安截停及報警,警方列作店舖盜竊案處理。龍小菌被帶署調查約7小時後獲准保釋候查,需於七月上旬到警署報到。

飛車撇記者

龍小菌獲保釋後離開警署時說:「呢幾日作感冒,個人『吽吽哋』,打咗拳3個鐘,之後去超市買嘢。期間買啲滷水嘢,畀完錢後等佢哋翻熱,咁就去買啲菜做晚餐,再返滷水店攞嘢。我將所有嘢放喺手推車,就咁行咗出去,之後有便衣職員截停我話有啲嘢未畀錢。(職員有冇聽你解釋?)佢哋冇聽,直接帶咗我去保安室。(有傳你戴住手銬離開?)冇,有女警拖住我啫!」她表示並不緊張,朋友卻非常緊張,還指她大懵。

其後,她與經理人邵子風登上一輛黑色七人車,車內有邵子風的女友蝦頭及一對男女,司機先後兩次加速企圖擺脫尾隨採訪車,時速最高達逾100公里,途中在青衣一個迴旋處險與一輛的士相撞,險象環生。

秋生抱不平

而龍小菌昨午回覆記者:「多謝大家關心,因為警局嗰度搞咗好耐,今日(昨日)我再去睇醫生。發生呢件事都覺得係自己疏忽,亦覺得保安員都係盡職責……當然係一件唔愉快嘅事,但都會將件事嘅實情如實地話畀大家聽!」至於邵子風表示小菌作為老師,發生此事當然有不良影響,但亦要積極面對。此外,他在Facebook表示本來打算與女友慶祝其生日,豈料要在警署度過。而黃秋生則責備超市欠人情味,保安處事手法死板,邵子風即留言回應:「清者自清,多謝秋生。」