陳嘉桓（Rose）與黃竣鋒昨日出席街頭健身活動並擔任評判，Rose早前偕周嘉莉及松岡李那，前往泰國拍攝旅遊特輯，結果周嘉莉因為傷眼而提早離開，Rose表示台前幕後隨即啟動「危機處理」，所以未有影響拍攝進度：「我哋比較擔心嘉莉嘅情況就真，佢依家休息緊，希望佢快啲好番啦！日後就要做多啲運動增強抵抗力。」

Rose希望受傷的周嘉莉早日康復。

玩單槓騷肌的黃竣鋒表示早前感染幽門螺旋菌。

Rose昨日與大班肌肉型參賽者同場，問到是否欣賞這類型男生，她笑說：「運動型係會留意多啲，今日啲參賽者大部分係鋼條型，所以都OK。我就接受唔到太大隻，一身肌肉好似卡通人物嗰種，如果個男仔企喺個女仔面前，完全遮住個女仔，就真係唔得喇！」而「大隻佬」黃竣鋒則透露感染幽門螺旋菌，早前又嘔又暈及易疲倦：「可能因為成日開工，搞到食無定時。」