容祖兒與李克勤11年前約定將私下「Gathering」搬上舞台，今年9月終可兌現承諾，攜手假紅館開騷，克勤說：「我哋一齊做拉闊，完騷我話紅館見！」祖兒笑言克勤準過「盲公陳」。談到兩人演唱會，最貴門票售780港元，祖兒覺得合理，因為可以睇到兩個騷，克勤即笑說：「使唔使宇宙價？」祖兒笑說：「唔使。」笑言他倆都是地球人。

相隔11年再「Gathering」，祖兒笑言克勤準過盲公陳。

克勤在祖兒眼中對朋友義無反顧，他笑言對不相識的人會有禮貌同客氣：「對祖兒唔使咁有禮貌、唔使客氣。」兩人以星級身價「合體」，更是跨公司的合作，他們笑說：「我哋唱片公司始終有競爭性喺度，要排除一啲問題先可以合作，當然佢哋睇好我哋個騷，所以過程唔難囉！」