美國女歌手「瑪拉雞」瑪莉亞卡里（Mariah Carey）不時被爆耍大牌，近日更遭兄長Morgan爆料，直指她吸毒又酗酒，恐防會步已故天后雲妮侯斯頓（Whitney Houston）後塵！

現年45歲的瑪拉雞與哥哥Morgan已兩年沒聯絡，Morgan早前接受《國民問詢報》（National Enquirer）訪問時爆料，指瑪拉雞早於2001年已因心理問題染上酗酒的惡習！

阿哥寸妹夫貪錢

Morgan指妹妹4年前為分居老公Nick Cannon懷有龍鳳胎Moroccan與Monroe時沒有戒口，繼續密密飲紅酒及香檳，又每天都溝食各種藥物，包括精神科藥物Zyprexa、Ativan及Depakote。Morgan擔心她會步雲妮侯斯頓後塵，因服藥過量而暴斃，更指妹妹心理不健康，推開身邊值得信任的人，他說：「如果佢有事，我一定會向佢身邊嘅損友追討，佢哋幫佢斟酒就係害佢！」

另外，Morgan受訪時寸爆妹夫Nick Cannon貪錢，直斥他配不上瑪拉雞：「佢只係聽咗人哋講瑪拉雞覺得佢可愛，叫佢為錢出擊，根本第一日埋阿妹身就係為咗錢，完全冇關心佢！Nick搵咗好多着數，相信以後都會咁！」而Nick的發言人暫時未有回應。另外，瑪拉雞最近為宣傳新歌加入交友網「Match.com」溝仔。