近年不時被指「潛水」的林雪日前大爆三日沒戲拍便會煩躁不安，更自覺步入病態須求醫，惡形惡相的他還自爆恨拍純愛片談情！

林雪恨拍愛情片，展現鐵漢柔情的一面。

縱然林雪敗給曾江（左）失落男配角，但仍無減對演戲的渴望。

林雪在電影《壹獄壹世界》中扮演獄中惡人兼廚師，他笑言在戲中化身「住家男」，為演員親自下廚：「我煮嘢好叻，平時都喺屋企煮飯！」而近年較少在港露面的他不時被指「潛水」，自言缺乏安全感的他表示若三日冇工開，就會煩躁抓狂，故有感步入病態須求醫：「冇戲拍就煩躁不安，因為冇安全感，已經係病嚟喇！要睇醫生。（你係工作狂？）我職業係拍戲，希望日日都喺片場！（唔恨放假？）講得唔好聽，拍三日就放四日，仲未放夠咩！」

而惡形惡相的他竟開腔恨拍純愛片，更笑言獲太太「開綠燈」准許「實習」：「我哋呢啲肥人宅男都有浪漫！我每日同我老婆講，如果真係畀我拍到就好！（同太太傾吓畀意見？）佢叫我出去實習吓先。（咁大方？）演員空間好大嘛！」

攞獎願等到七十

提到今年失落金像獎「最佳男配角」，他說：「金像獎有人情味，第日我可能七十歲都可以攞。（到時攞男主角？）都係先攞男配角，畀個最佳新人獎我都得！」