作為一個獨立唱作人，迪子最欣賞范曉萱、張懸及陳綺貞：「佢哋一開頭都係簽咗公司再發展成為一個獨當一面嘅獨立歌手，我亦啱啱開始做獨立歌手，好多嘢要自己計劃，連宣傳都要自己搞，壓力大但係咁樣先好玩。我寫咗好多貨喺度，係一啲敏感同冷門啲嘅題材，我作為一個獨立歌手做歌，好大嘅原因係想做一啲有別於市場上嘅音樂，令聽眾有多一個選擇！」她表示歌曲《回憶氣味》的靈感來源來自表姐，又透露氣味是特別的存在：「係因為我表姐同我講佢好鍾意一個男仔，上佢屋企嘅時候偷偷哋偷咗個男仔一件衫走。我都試過拎走男朋友嘅嘢用嚟思念對方，而且氣味真係一樣好得意嘅嘢，就算你同嗰個人分咗手，有一日突然喺條街度聞到一陣熟悉嘅氣味都會令你回想起好多過去。」

迪子開始做獨立歌手後，所有事都要親力親為。