新進女歌手曾雨晴(Jody)曾推出歌曲《Love in Winter》,歌曲圍繞冬天的戀愛,她坦言仍是單身,但不會選擇與圈中人發展:「雖然依家單身,不過都會有理想中嘅對象。一對情侶拍拖,最重要係大家真心鍾意大家,而且我個人都會比較長線,會想一齊計劃將來。我好鍾意單眼皮嘅男仔,高度我唔會要求,襯到我就得啦!我本身好鍾意吳彥祖嗰Type!不過就唔會想同圈中人發展,本身我好鍾意去認識唔同職業嘅人,同一份工我會覺得冇咁特別,我會想見識多啲大家生活都會多啲新意。」對於未來的目標,她坦言想出碟:「嚟緊我想有自己嘅碟,就算單曲都好,都想首歌可以派到台,而電台DJ同聽眾亦都鍾意。另外我都想試吓拍戲,角色方面冇乜所謂,唔同嘅我都想試,不過我覺得古裝會係最具挑戰!」

單身的曾雨晴雖然恨拍拖,但拒與圈中人發展。