舉手投足愈發有男人味的唐文龍，回想八年前硬着頭皮北上發展，他感恩這些經歷造就今天的自己。回港足足等了十一個月，皇天不負有心人，終於等到《十月初五的月光》，他不是初哥哥，他是金勝。

唐文龍再演金勝，希望觀眾覺得他有轉變。

唐文龍在內地八年，感恩遇到的經歷造就了今天的自己。

唐文龍（左）憑《十月初五的月光》中的「金勝」而為人熟悉。

當年在劇集《十月初五的月光》演「金勝」為人所熟識，唐文龍卻在拍完這套劇後的第6年離開無綫：「喺無綫累積到好多經驗，喺東南亞都得到唔少知名度，又有朋友喺上海開劇，當時我亦想出去闖一闖，就硬着頭皮北上。」

畀新鮮感觀眾

他坦承《十》給他演藝生涯上最大的鼓勵，相隔十五年後的今天，《十》的電影版終於讓我們再見到「金勝」：「好開心！呢套劇係我初入無綫時拍，今次係當時大結局嘅延續。當年拍完冇人知我叫唐文龍，但係有人知我叫金勝。」自認大男人的唐文龍，不想輕易低頭回港，他說：「我掛住香港，離開咗八年，觀眾對我嘅記憶都停留喺八年前，到依家都已經改變咗，會有新鮮感畀到觀眾，希望製作人都見到。」

回想當初北上，唐文龍笑言「餓我唔死」：「試過接近9個月冇嘢做，冇收入冇錢供樓，食飯都好慳。我知圈中好多朋友都經歷過，自己唔算得上係咩，我亦唔需要講得太悲傷，但確實捱得唔容易。」他又說離開電視台時是一段消沉的時間：「但我唔鍾意等死！去咗學詠春，玩洪拳，覺得自己幾勤力。」

撇女友認衰仔

談到感情，過去最深刻的一段情，都敵不過「七年之癢」，只因為他不能給予對方好的生活：「係我人生中最長嘅一段情，1999年尾到2007年。離開無綫之後好多時唔喺香港，經濟亦出現問題，又少見又冇錢。就算要講一萬次我都係對佢唔住，只能認衰仔，好自私決定離開。」不過，他說：「我對愛情冇放棄，返嚟之後都約過女仔出街，不過就冇發展，依家唔會刻意去諗，拍拖就唔拍，拍電影先。」