糖妹即將推出旅遊書，對台灣有深入了解的她希望介紹當地潮流文化，並渴望寫一本以「主場」深水埗為主的旅遊書，她為新書起勢試食，為免肥到變波，她有一套減肥心得，並心思思想出運動減肥書，在才女界殺出另類血路！　 　

人仔細細的糖妹原來相當為食，但她有獨門減肥方法完全未驚過！

跟糖妹擺甫士
櫻唇半開

開心Mode

甜笑冧仔

歌手糖妹百足咁多爪，唱歌拍劇主持瓣瓣掂，識飲識食的她繼代言旅遊書後，即獲斟洽出台灣旅遊書。曾暢遊當地十多次的她表示新書除講飲講食外，同樣涉獵當地文化：「大家去台灣都係食嗰啲嘢，我希望帶到依家嗰邊潮流興乜，或者有冇咩靚嘅影相景點！」

香港飲食專家

數到糖妹最渴望介紹的地方，居然並非海外，而是居住多年的深水埗：「我好想寫一本係介紹香港或者地區性啲，因為我住喺深水埗，由細到大食勻嗰度，所以想寫一本旅遊書係可以賣去其他地方！」

為介紹值得推介的餐廳，糖妹無間斷試食，為食的她自有一套減肥心得：「我鍾意食嘢唔會戒口，同埋拍旅遊節目唔通唔食咩，唔食點介紹！所以我寧願做運動。」

Keep Fit不瘦胸

她滔滔不絕地分享減肥方法：「減肥要做帶氧運動加肌肉訓練，淨係跑步冇乜肌肉訓練會瘦到連胸都冇埋，唔想冇胸要局部去減，做肌肉訓練，因為增加咗肌肉令嗰Part燃燒能力高咗。」

糖妹不介意向大家分享心得，並希望有機會推出運動減肥書，展示多才多藝的另一面。