藝人柯嘉琪(Kiko)曾贏得中國小姐香港區亞軍,入行後仍繼續修讀碩士學位,並兼顧主持、拍戲及舞台劇,早前更為拍打片操Fit及學習截拳道,她說:「希望逼自己不斷進步,視章子怡為學習目標,佢外貌清秀高雅,但拍打片一樣入型入格!(練武最辛苦係咩?)打拳唔驚,反而有條『生仔筋』拉到想喊!」問到想跟哪位男星合作?Kiko表示最想與謝霆鋒「過招」打出愛火花:「好細個已經鍾意佢,仲有儲佢啲碟,覺得佢以前好有性格,到依家就係入得廚房嘅好男人,愈來愈成熟!」

柯嘉琪自爆鍾意霆鋒,恨有機會「過兩招」。