藝人孫佳君破格在新片中飾演一名精神分裂患者,其精湛演出備受關注,她坦言角色沉重有很多內心戲:「導演要求我做到一個連自己都察覺唔到自己患有精神分裂,所以演出上唔可以太外露,事前亦去了解患呢個病嘅情況同日常生活,做咗好多資料搜集。」其中一場跳樓戲更令她畢生相當難忘:「嗰場戲要我喺二樓跳落街,前後拍咗五次,跳出去嗰刻真係有種死亡感覺!落地時Chok親頸,事後都要搵醫生接受按摩治療。」問到現實生活中會否出現情緒病,孫佳君坦言身為藝人難免備受傳媒關注,有段時間出街總是覺得經常被監視,令自己過得很抑鬱,需要經過一段時間作心理調節。

孫佳君挑戰演技扮演精神分裂患者,事前做足功課。