無綫藝人翟威廉近日遠赴韓國首爾進修韓文，雖然在當地認識一班後生同學仔，但笑言有代溝，兩個月來只懂埋頭苦幹讀書，變成大家心中的「悶爆Oppa」。

翟威廉到慶熙大學進修韓文，笑言被認出成「集郵」景點！

難得居韓兩個月，翟威廉不忘周圍遊覽。

翟威廉與同學仔有代溝，一齊活動都止於食吓飯。

前港男翟威廉（William）曾於日本留學，操得一口流利日語，但見近年「韓流」席捲亞洲，他亦跟隨潮流自我增值學韓文，因而獲無綫睇中為《廉遊韓國》等旅遊節目擔任主持。

出名悶蛋

不過，William謙稱水平未夠應付工作，最近趁空檔到首爾慶熙大學「閉關」進修兩個多月，他說：「嚟到唔夠兩個月，我密集式咁一日返六個鐘，Keep住講Keep住聽，進步好大！不過公司需要好勁，我依家仲未達標，打算返港繼續讀，年尾再考番個國際試。」

William表示同學來自世界各地，面對一班妹妹仔，他更瞬間變成「Oppa」（韓文：哥哥）兼「悶爆書生」，他笑說：「呢度好多留學生都睇無綫劇，所以我到學校已經成為『景點』，但我年紀大佢哋咁多，唔係好啱玩，最主要都係同佢哋傾吓韓文同講吓讀書嘢，所以我喺呢度出咗名係個非常沉悶嘅人，每日淨係得讀書。」

愈考愈愛

返學總是求分數，William笑言最開心是課程有得考試：「年紀細唔鍾意考試，年紀大啲反而鍾意考試，等自己有啲目標考好少少！因為要趕拍日本節目，所以考唔到最尾個試，但考過中期試知道自己咩程度，呢樣暫時係我喺韓國最大得着。」