黃美棋開班教細路做戲

「宅男女神」黃美棋由童星出道至今已加入娛圈逾二十年，可謂「前輩級」藝人！問到除演藝事業外，還有甚麼想試？原來她有意「開班授徒」，傳授演藝經驗：「有個諗法喺近期醞釀緊，就係開班教小朋友做戲，現今家長好着重小朋友多元發展，我就諗唔止做戲，甚至主持、說話技巧等，其實都幫到小朋友，令佢哋口齒伶俐、轉數快啲，唔使真係成日補習、學琴、畫畫咁悶，我覺得佢哋可以有活潑啲嘅活動！」信心十足的她說：「我會用我以前拍嘅片做教材，同佢哋講『呢個就係我喇！』」她又透露計劃仍處於初步階段，希望設計得更完善才推出，並透露已物色地方，成事指日可待！