明珠台節目主持蘇頌輝，數年前為興趣入娛圈兼創業帶頭推廣禮儀，如今撈起的他靠做好口碑為生意之道。自稱單身的他更坦言想找個愛自己的人，成家立室！

作為城中筍盤的蘇頌輝，揀另一半最緊要愛自己及有內涵！

平日斯斯文文的蘇頌輝，原來都有Chok爆一面！

蘇頌輝開公司推廣禮儀，更親身示範正確進食方法。

為興趣，你可以去到幾盡？明珠台節目主持蘇頌輝（Desmond）畢業於美國名校普林斯頓大學，五年多前，他辭去Private Banker的高薪厚職，轉戰娛樂圈之餘，更為興趣膽粗粗化身「禮儀先生」，數年前開公司帶頭推廣禮儀！

助人為快樂之本

身為老闆的Desmond事事上心，雖然百足咁多爪，但他仍要搵人才幫手：「好多嘢都係自己控制番，Marketing（市場管理）、課程資訊等等，都係自己去處理。都要去搵叻嘅人才幫手管理，信任其他人。」

他全情投入搞生意的動力來自「助人為快樂之本」之心態，Desmond說：「我鍾意自己呢盤生意幫到人，試過有個韓國學生同我講堂上學嘅嘢幫到佢事業，令我好感動！」

開業數年，Desmond對現時的收入感到滿意，他對賺錢冇目標，全因深信首要做好質量及口碑，自然財源滾滾來！

斯文風趣愛聆聽

作為「禮儀先生」的Desmond既斯文又君子，但他卻想進行平反，令人認識到西裝外表背後的另一個他：「斯文係我本身對其他人禮貌嘅表現，其實我亦都係一個聆聽者，可以同人傾好耐偈去了解對方。講笑話、風趣，都係我另一面。」事業有成、有學歷、單身，Desmond稱得上是圈中筍盤，難道他要求高只喜歡

「Perfect池」美女？一心結婚的他說：「對方吸引到我就得，唔係指要好靚女，笑容、內涵都會吸引到我！第二就係對我好、愛我。」