世事無奇不有!上星期搭的士發生車禍撞歪鼻的張惠雅,前晚竟在同一時間、地點,重遇同一位的士司機!這冥冥中的安排,認真邪門,不禁令她擔心又有意外發生?

上星期遇車禍的Regen前晚竟再遇同一個司機,真係咁啱得咁蹺!

日前搭的士遇上車禍撞歪鼻的歌手張惠雅(Regen),剛做完手術復工拍劇的她,竟於前晚搭的士往開工時,又重遇同一位的士司機!她不禁深信冥冥中自有安排,忍不住在社交網留言:「係咪想笑死我。」當她打開車門,司機一聲「Hello」把她嚇了一跳:「佢整好架車,我整好個鼻,笑死我同個司機。」

時地人夾到絕

如此巧合,連Regen也擔心得搞笑留言:「今日要拍番上一次落雨取消咗嗰場戲……同一場要拍嘅戲、同一時間、同一個目的地……但係唔會一樣又係交通意外啩!周星馳嘅戲先會咁嘅……聽天由命啦!」吸引大批粉絲留言說「笑死」,雖然與司機重遇,但相信當晚她是安全抵埗!

否認劈腿遭家暴

此外,Regen最近傳出「劈腿」,與無綫藝人張景淳因拍劇秘撻,被前度男友揭發後即遭家暴,Regen昨日在電話中否認:「我冇劈腿,更冇家暴。」她承認跟前男友拍拖數月,但因性格不合、思想有分歧早已分手,她說:「只係普通男女朋友交往,唔係同居咁親密。」她表示對前度沒有恨意,即使將來遇上,也會以平常心看待。