藝人莊思敏與妹妹莊思明及許亦妮等昨日在將軍澳電視城出席無綫新劇《潮流教主》拜神儀式，正拍電影《碟仙碟仙》的莊思敏自爆因拍鬼片而情緒波動：「精神狀態比較差。（有冇撞到污糟嘢？）有啲地方入到去會唔舒服，都會收吓把口。」有指蕭定一旗下藝人部與有周秀娜等藝人的GME合併，藝人由GME管理而引起張智霖等不滿，張智霖卻否認不滿：「欣然接受，相信阿一嘅決定！」而身為蕭定一旗下藝人的莊思敏亦指沒有不滿：「依家係過渡期，只係有啲唔清晰，之後會同老闆傾，相信工作量方面唔會有影響嘅！」

莊思敏（右）與莊思明姊妹檔上陣，夠晒默契！

許亦妮希望與圈外人拍拖，過平凡生活。

另外，許亦妮近日在網上暗示感情生活有着落，她受訪時卻自稱單身：「我咁好都冇人追，年紀都唔細，希望30歲前可以組織家庭。（朋友有冇好介紹？）冇呀！朋友都冇男朋友。」