陳凱琳（Grace）及鄭嘉穎出外Sweet爆約會「斷正」！談到熱戀中的Grace有否「重色輕友」？其好友陳瀅透過電話訪問稱與對方近期較少見面：「都會少咗見面，我哋四個女仔各有各忙咁分開拍劇。（多數於電視城見面？）係呀！我同何雁詩、劉佩玥三個共用同一個化妝間。Grace未開劇，遲啲就會見到佢！」至於另一好姊妹劉佩玥則表示她們最愛「即興」約去街，更會體諒大家的工作：「唔覺佢少咗陪我哋，大家約到就一齊玩，約唔到就下次！我哋多數喺公司先見到面，不過忙咪好囉！」而何雁詩則說：「早排因為《殭》慶功約咗一次，好難約啊！成日都喺公司聚，希望再一齊開工，唔使約得咁辛苦。（Grace有冇掛住拍拖唔理你哋？）佢一向都難約！（有帶埋男友見你哋？）佢冇呢個喜好喎！」

Grace下午到太子買珍珠奶茶，其後由父親駕車載返家。

提到她們會否希望Grace正式公布拍拖？陳瀅及劉佩玥則指此乃Grace與嘉穎兩人之間的事，又呼籲外界給予更多空間及時間。