由田蕊妮、胡定欣及陳豪主演的《鬼同你OT》將緊接《武則天》檔期播出，劇中演員及監製均對劇集充滿信心，期望可承接《武》劇的氣勢！

田蕊妮、胡定欣及陳豪主演的《鬼同你OT》是鬼喜劇，保證觀眾睇得投入！

《武》劇在黃金檔無間斷播放，吸引觀眾晚晚追看。

徐正康對新劇充滿信心，又大讚阿田演技出色。

范冰冰主演的《武則天》在無綫播出以來收視理想，一連七日的無間斷播放為劇集增添追看性，上周平均收視25點，最高收視達28點，緊接此劇播出的是無綫近年較少見、以輕鬆搞笑鬼故事為題材的劇集《鬼同你OT》，由陳豪、田蕊妮及胡定欣擔綱演出。

水準之作零壓力

《鬼》劇監製徐正康受訪時表示對劇集有信心，坦言如《武》劇一樣，只要是質素高的劇集，即使一連七日播放都沒有問題，至於問到緊接《武》劇播出，可會有壓力？他說：「唔理接乜劇都會有壓力，不過多個部門都睇過套劇，反應都不俗，公司唔會貿貿然播嘅！對所有收視都有期望，而且鬼喜劇向來都係公司王牌戲，都好耐冇拍呢類劇集！」他又激讚田蕊妮演得生鬼，阿田在劇中經常被已過世的胡定欣上身，飾演略為低俗的中女，將角色演繹得很特別。

胡定欣演技新挑戰

至於田蕊妮受訪時透露，只用了兩個月便拍畢《鬼》劇，對於新劇緊接《武》劇播出感意外及開心，她說：「第一次拍鬼喜劇，呢套劇好有質素，希望暑假可以畀觀眾輕鬆吓，亦希望可以承接《武》劇嘅氣勢！」胡定欣則說：「少拍鬼喜劇，都好期待！我喺劇中做女鬼，第一集就死，自己唔多做搞笑戲，挑戰都幾大！」