《大時代》「雙蟹」邵仲衡、陶大宇及曾國祥等，昨日出席宣傳活動，邵仲衡在台上叮囑大宇「射」住他，大宇受訪時說：「啲活動搵晒佢，佢『射』住我就真！」邵仲衡則承認《大》劇重播後工作量持續上升，保守估計已有7位數進帳！

邵仲衡（右）及陶大宇雙「蟹」合璧，有錢齊齊賺！

至於曾國祥早前參演網劇演老千，他說：「跟師傅學千術，佢一掂我隻手就話唔掂，開工要出動『替手』！（你最叻『千』人個心？）係我個心畀咗人哋！（邊個？）王敏奕！（佢要離港公幹？）仲喺屋企。（你屋企？）係，遲啲咪飛嚟飛去見面囉！」